“ما حدا عم يسمعنا نحن عم ننسرق” شكران مرتجى تنتفض!!

انتقدت الممثلة السورية شكران مرتجى الوضع الاقتصادي في مناطق سيطرة نظام الأسد حيث كتبت الفنانة شكران مرتجى على صفحتها الشخصية :” بالأمس رحت اشتري دوا وطني علبتين طلب الصيدلي ١١ الف ما أخدت وعطيت قلت الدوا غالي طلعت لبرا شفت السعر ع كل عليه طلع واحد ب٣٠٠ ليرة وواحد ب٤٠٠ ليرة الأخ بده يربح ١٠ آلاف ليره طبعا رجعت الدوا يمكن لأني فنانة قال يا الله بناخد وطبعا اتصلت بأكتر من صديق صيدلي لأتاكد ما كون ظالمته قالولي إن كترت الدوايين ب١٥٠٠ليرة.

وأضافت: اليوم رحت جيب كمان دوا من صيدليه كان الصيدلي مُصر ما ياخد مني وانه هو بيدفع من جيبته الدوا ب٧٠٠ ليرة لطفٌ ورقي مو مشان مابده ياخد بس لأني فنانة حاول يعبر عن محبته.

وختمت أن الهدف من البوست قديش عم ننسرق بكل مكان لاحدا يشتري دغري شوفوا أكتر من محل وكل حدا عم يسعر ع كيفه مافي تسعيرة ومافي فاتورة عالأغلب لارقابه إلا رقابة الضمير  والفرق بين المواطنة وعدم المواطنة هالمثالين نحنا عم ناكل بعض ونستغل بعض ماتربينا لا من حرب ولامن كورونا ولامن كل الأزمات  سوريا سامحينا بما يفعل السفهاء منا ماعنا ثقافة الشكوى لانه بنعتبرها قطع ارزاق ولانه ماحدا بيسمعنا  عايشين بالصدفة.

وكانت شكران كتبت في وقت سابق تعليقاً على مظاهرات السويداء قالت فيه:  “لا تتحدثوا عن الديمقراطية قبل أن يقـتل كل منكم الديكتاتور الذي بداخله”.

وتفاوتت تفسيرات المتابعين لهذا التصريح بين أحد اعتبر أنها تساند مظاهرات السويداء وآخر قال إنها تساند الأسد وتطلب من المتظاهرين أن يبدؤوا بأنفسهم.